Ambasadori norvegjez në Moskë është thirrur sot në Ministrinë e Punëve të Jashtme ruse në shenjë proteste pas arrestimit të disa shtetasve rusë në Norvegji me akuzën e fluturimit të dronëve.

Javët e fundit, të paktën tetë shtetas rusë janë arrestuar në Norvegji për fluturimin e dronëve ose filmimin e vendeve të ndjeshme.

Qytetarëve rusë u ndalohet të fluturojnë dronët në hapësirën ajrore norvegjeze si pjesë e sanksioneve të vendosura menjëherë pas pushtimit ushtarak të Rusisë në Ukrainë më 24 shkurt.

Në bisedën e sotme, ambasadori norvegjez Robert Quilley atij iu tha se këto arrestime ishin "të papranueshme" dhe se Moska i konsideronte ato "të motivuara politikisht". Gjithashtu u tha se ato nuk kanë asnjë lidhje me “parimin e drejtësisë së paanshme dhe të barabartë”, thuhet në njoftimin e Ministrisë ruse.

Moska u bëri thirrje autoriteteve norvegjeze që të ndalojnë atë që ajo e quajti një veprim rusofobik dhe persekutim të qytetarëve rusë bazuar në kombësinë e tyre.