MPJ: Nuk kemi informacion se shtetas të Maqedonisë po luftojnë në Ukrainë

Ushtarët ukrainas në Mykolaiv, Ukrainë / Foto: EPA-EFE/SEDAT SUNA

Ministria e Punëve të Jashtme të Maqedonisë së Veriut nuk ka informacione për pjesëmarrje të mundshme të shtetasve maqedonas në luftën në Ukrainë, pas njoftimit të Ministrisë së Mbrojtjes ruse se 72 shtetas tanë ishin në mesin e mercenarëve të huaj që luftonin në anën ukrainase.

“Ministria e Punëve të Jashtme nuk ka informacione relevante në lidhje me pjesëmarrjen e mundshme të qytetarëve tanë në luftën në Ukrainë, as vdekjen e qytetarëve tanë në luftë. Monitoron vazhdimisht dhe me kujdes situatën, përmes ambasadës në Ukrainë. Posa të ketë informacione të reja, opinioni do të njoftohet”, kanë thënë për MIA-n nga MPJ.

Autoritetet në Moskë kanë publikuar një tabelë të atyre që i quajnë mercenarët e huaj që luftojnë në anën e Ukrainës. Maqedonia e Veriut është në mesin e vendeve nga vijnë "mercenarët" në Ukrainë. Sipas Ministrisë ruse të Mbrojtjes, që nga fillimi i luftës, në anën ukrainase kanë luftuar 79 shtetas të Maqedonisë, prej të cilëve 26 janë vrarë, 21 janë kthyer, ndërsa 32 persona nga vendi janë ende aktivë në front.

Ndër vendet nga të cilat ka “të përziera” në Ukrainë janë Shqipëria, Kroacia, Polonia, Italia, Rumania, Finlanda, Letonia, Kosova...

Video e ditës