Fondi Monetar Ndërkombëtar njoftoi sot se është arritur një marrëveshje me Ukrainën për një paketë financiare katërvjeçare me vlerë rreth 15,6 miliardë dollarë. Marrëveshja, e cila ende nuk është ratifikuar nga Bordi i Drejtorëve të FMN-së, është rezultat i negociatave disamujore me autoritetet ukrainase.

FMN shprehu pritshmërinë e saj se kjo marrëveshje do të ndihmojë në inkurajimin e një numri të madh donatorësh dhe partnerësh ndërkombëtarë për të dhënë kredi për Ukrainën në kushte më të favorshme se ato të tregut.

"Në periudhën e ardhshme katërmujore, pritet një rikuperim gradual ekonomik nga dëmtimi i rëndë në objektet kritike të infrastrukturës, megjithëse mbeten pengesa, duke përfshirë rrezikun e përshkallëzimit të mëtejshëm të konfliktit," tha zyrtari i FMN-së, Gavin Grey, sipas Tanjug.