Fondi Monetar Ndërkombëtar aktualisht është duke negociuar marrëveshje të reja me Serbinë dhe Maqedoninë e Veriut, tha sot shefja e zyrës së FMN-së për Ballkanin Perëndimor, Stephanie Veren Eble, transmeton Beta.

“Politika monetare duhet të luajë rolin e saj në kohë krize dhe kjo do të ndikojë edhe në buxhet edhe në rritje. Politika monetare duhet të kontrollojë fort inflacionin dhe të ruajë transparencën dhe pavarësinë e plotë në proces, përndryshe rrezikon të jetë më pak efektive", tha ajo. Deklarata e saj u bë në Samitin e Guvernatorëve, Ministrave të Financave dhe Drejtorëve të Administratave Tatimore nga Ballkani Perëndimor. mbajtur në Beçiqi të Malit të Zi.

Ajo vlerësoi se në këto kohë krize, politika fiskale duhet të mbështesë politikën monetare, në radhë të parë duke kufizuar kërkesën.

“Do të jetë i nevojshëm konsolidimi fiskal”. Pagat e sektorit publik duhet të jenë nën kontroll, pasi ato shtojnë presionin mbi inflacionin, përveç presionit mbi buxhetin. Më mirë të paguani bonuse një herë se sa të rritni pagat”, tha Stephanie Veren Ebl.

Sipas saj, qytetarët më vulnerabël duhet të mbështeten me para nga buxheti, duke shmangur nxitjen e inflacionit.

“Kufizimi i çmimeve të energjisë elektrike nuk është vetëm një kosto e tepërt fiskale, por gjithashtu nuk mbështet kursimin e energjisë elektrike”. Qeveritë duhet të shmangin uljen e taksave”, rekomandoi ajo.