Bordi Ekzekutiv i Fondit Monetar Ndërkombëtar (FMN) ka miratuar një paketë financiare katërvjeçare për Ukrainën në shumën prej 15,6 miliardë dollarësh, si pjesë e një pakete mbështetjeje ndërkombëtare prej 115 miliardë dollarësh në vitin e dytë të pushtimit rus, tha FMN.

Vendimi pritet të mobilizojë financime të mëdha koncesionare nga donatorët dhe partnerët ndërkombëtarë të Ukrainës për të ndihmuar në adresimin e problemit të bilancit të pagesave të Ukrainës, arritjen e qëndrueshmërisë së jashtme afatmesme dhe rivendosjen e qëndrueshmërisë së borxhit, thuhet në deklaratë.

Presidenti ukrainas Volodymyr Zelensky përshëndeti vendimin e FMN-së në Twitter.

Është një ndihmë e madhe në luftën tonë kundër agresionit rus. Së bashku do të mbështesim ekonominë e Ukrainës. Po shkojmë drejt fitores, ka shkruar ai.

Paketa financiare prej 115 miliardë dollarësh përfshin një kredi nga FMN, 80 miliardë dollarë ndihmë dhe kredi nga vendet e tjera dhe falje borxhi deri në 20 miliardë dollarë.