Vritet një e re serbe në Slloveni, krimineli ka fjetur dy ditë me trupin e vajzës së mbytur
Njëzet vjeçari Lazar T., slloven me origjinë serbe, dyshohet se ka mbytur në Slloveni të dashurën e tij, shtetasen serbe shtatë vjet më të madhe Emilia M.. raportuar media lokale.
Sipas raportimeve, të cilat bazohen në informacionet e policisë, krimineli i ri fillimisht e ka rrahur vajzën dhe më pas e ka mbytur.
Krimi brutal ndodhi të enjten dhe u zbulua vetëm të hënën. Fqinjët thanë se dëgjuan tinguj nga banesa dhe një grua që bërtiste: "Më lër të shkoj". Kur tentuan të thërrisnin policinë, thonë ata, zhurmat pushuan dhe krimi mbeti i pazbardhur për ditët në vijim.
Vrasësi i ri ka fjetur pranë të dashurës së tij të vdekur për dy ditë, raportojnë mediat sllovene.
Si ai ashtu edhe vajza e vrarë ishin të njohur më parë për policinë dhe të dy kishin masë ndalimi ndaj nënave të tyre. Ai kishte denoncim edhe për prishje të rendit dhe qetësisë publike për shkak të një sherri, si dhe kishte probleme me policinë për shkak të drogës.