Një marinar i Marinës Mbretërore i cili u raportua i vdekur gjatë Luftës së Dytë Botërore ka festuar ditëlindjen e tij të 100-të. Morrell Murphy, nga Lisburni, ishte në bordin e HMS Capel kur u torpedoua nga një nëndetëse gjermane në 1944.

Katër ditë pas sulmit, familja e tij u informua se Murphy ishte vrarë. Familja madje mori një letër ngushëllimi nga Mbreti George VI, por shumë shpejt Morel trokiti në derën e shtëpisë së familjes.

Ai tani jeton në County Down dhe mbesa e tij Jennifer organizoi një festë për ditëlindjen e tij të 100-të.

“Është e vështirë të besohet se jam 100 vjeç tani. “Është e vështirë të besohet se kam mbijetuar gjithë këto vite, por ende e shijoj jetën”, tha ai BBC.

Morrell iu bashkua Marinës Mbretërore në Ditën e Shën Patrikut të vitit 1942, në moshën 19-vjeçare, ndërsa Lufta e Dytë Botërore shpërtheu. Në dhjetor 1944 ai i mbijetoi një sulmi gjerman në Kanalin Anglez që vrau më shumë se 70 nga shokët e tij të ekuipazhit në HMS Capel.

Ai u shpëtua nga marina amerikane dhe u dërgua në Francë për t'u shëruar. Atij iu tha se ushtria britanike e kishte shpallur të vdekur.

Kur ai mbërriti pa paralajmërim në shtëpinë e prindërve të tij muajin tjetër, ata nuk e besuan se ishte ai.

“Ka pasur lot gëzimi kur hapën derën dhe morën vesh që isha unë. Mbaj mend që motra ime vrapoi për t'u thënë kushërinjve, xhaxhait dhe tezes sime se jam mirë, "tha ai.