
Ministria e Transportit: “Rruga e Maqedonisë” pastron vazhdimisht rrugët shtetërore
Nga Ministria e Transportit dhe Lidhjeve bëjnë të ditur se ekipet kujdestare të NP “Rruga e Maqedonisë” kanë qenë vazhdimisht në terren gjatë gjithë natës dhe po pastrojnë të gjitha rrugët shtetërore për t’i mbajtur të kalueshme për qarkullim.
Rekomanduar
- Qarkullimi zhvillohet në kushte dimërore në rrugë të lagështa me mbetje bore me baltë në rrugë. Shërbimet e NP “Rruga e Maqedonisë” me gjithë makinerinë dhe fuqinë punëtore vazhdojnë me lirimin e rrugës për qarkullim normal në rrugët shtetërore – thonë nga Ministria.
Ata apelojnë tek të gjithë drejtuesit e mjeteve që të respektojnë dispozitat ligjore për ngasje në kushte dimërore dhe të kenë pajisje dimërore për veturat e tyre, t'i drejtojnë veturat me kujdes, të respektojnë sinjalistikën e vendosur në komunikacion, si dhe të respektojnë rekomandimet e shërbimeve të komunikacionit.
-Sipas informacioneve nga UHRM, reshje bore me intensitet të ndryshueshëm në orët e mëngjesit janë shënuar në mbarë vendin, andaj apelojmë që të monitorohen kushtet atmosferike dhe qytetarët që planifikojnë të udhëtojnë në kohë të informohen nga shërbimet e komunikacionit për gjendjen e rrugët shtetërore - thuhet në njoftimin e Ministrisë së Transportit dhe Lidhjeve.
Apelohet tek drejtuesit profesionistë të mjeteve të rënda që të informohen për gjendjen e rrugëve dhe rekomandimet e trafikut. NP “Rruga e Maqedonisë” në vazhdimësi monitoron gjendjen e rrugëve shtetërore dhe reagon me të me gjithë mekanizimin në terren.