Ministria e Drejtësisë i quajti të pabazuara pretendimet e kryetarit të VMRO-DPMNE-së, Hristijan Mickoski, se Ligji për Amnisti do të zbatohet në procedurë të shkurtuar me flamur evropian.

Ministri i Drejtësisë, Krenar Loga, që në ditën e parë, por edhe në konferencën për media të mbajtur javën e kaluar, u shpreh qartë se ky ligj nuk do të bartet me flamurin evropian dhe se ai personalisht është kundër mundësisë së keqpërdorimit të ligjit. Flamuri evropian për bartjen e ligjeve. VMRO DPMNE nuk duhet të mbajë qëndrim bosh, kur janë informuar që nga dita e parë për të gjitha detajet. Ligji për amnisti është i njëjtë me atë të vitit 2018, me të njëjtat krime për të cilat nuk parashikohet amnisti. Ai ligj është nënshkruar dhe mbështetur nga VMRO DPMNE. Sado që VMRO DPMNE të dëshirojë të amnistojë ish të zgjedhurit dhe të emëruarit e saj, një ligj i tillë nuk do të ketë, thuhet në njoftimin e Ministrisë së Drejtësisë.

Sa i përket njoftimeve për largim nga Kuvendi nga ana e deputetëve të VMRO-DPMNE-së, siç thuhet në njoftim, është lajm i mirëseardhur për qytetarët e vendit tonë.

- Mungesa e qëndrimit për çështje të rëndësishme dhe politikat e bllokadës shprehet më mirë me daljen nga Kuvendi dhe ky është një gjest mirëseardhjeje nga ana jonë. Ndoshta kështu dëshiron që z. Hristijan Mickoski t'i ndihmojë atdheut duke hapur hapësirën për votim të amendamenteve kushtetuese dhe duke hapur rrugën drejt BE-së, thuhet në deklaratën e Ministrisë së Drejtësisë.