Milani e nisi me një triumf bindës mbrojtjen e titullit të Serisë A

Milani është ndër të gjobiturit për Fair Play financiar/Foto: EPA-EFE/MATTEO BAZZI

Lojtarët e Milanit e nisën mbrojtjen e titullit të Serisë A me triumfin 4:2 ndaj Udineses. Edhe pse italianët nuk e konsiderojnë Milanin si favoritin kryesor për titull, kuqezinjtë treguan që në ndeshjen e parë se kanë mjaft cilësi për të ruajtur kupën e kampionatit në San Siro.

Ndeshja nisi me një gol të mysafirëve në minutën e dytë. Shënues i golit ishte Bekao, por Milani u kthye në minutën e 15-të. Fillimisht, Theo Hernandez realizoi një penallti, e më pas Ante Rebic shënoi për 2:1.


Udinese barazoi me Adam Masina para pjesës së parë. Por Brahim Diaz shënoi në fillim të pjesës së dytë për 3:2, ndërsa rezultatin përfundimtar e shënoi Rebic në minutën e 68-të.

Atalanta fitoi edhe në startin e sezonit të ri, duke mposhtur 2:0 Sampdorian me golat e Rafael Toloit në minutën e 26-të dhe të sapoardhurit Ademola Lukman në minutën e katërt të shtesës.

Video e ditës