Kombëtarja argjentinase, Lionel Messi, është gjithnjë e më i sigurt se pas odisesë në PSG, do ta mbyllë karrierën në një vend të papritur, në ligën MLS, në skuadrën e Inter Miamit, ndërsa Barcelona do të ngrihet.

Transferimi, gjegjësisht ardhja e Messit në Inter Miami do të ndodhë verën e ardhshme kur i përfundon kontrata me skuadrën franceze. Sipas mediave të Amerikës së Jugut, Messi përveçse do të luajë për Inter Miami, do të blejë 35% të aksioneve të skuadrës që është në pronësi të ish-lojtarit të kombëtares angleze, David Beckham.

- Gjithmonë kam dashur të shoh se si është të jetosh dhe të luash futboll në Shtetet e Bashkuara. “Por nuk e di nëse kjo do të ndodhë tani apo më vonë”, tha Messi në vitin 2020, kur donte të largohej nga Barcelona.

Argjentinasi tashmë ka prona në Miami, ka dy apartamente luksoze, njërin prej të cilave e ka nxjerrë në shitje dhe kërkon 6 milionë euro.

Inter Miami është në vendin e parafundit të 13-të në Konferencën Lindore, ndërsa trajner i skuadrës është ish-përfaqësuesi anglez Phil Neville.

Lionel Messi u transferua te PSG si lojtar i lirë vitin e kaluar, me të cilin nënshkroi një kontratë dyvjeçare, pasi kishte veshur fanellën e Barcelonës për 20 vite dhe tifozët e të cilit kishin shpresuar që argjentinasi të rikthehej në “Camp Nou”.

Babai i futbollistit, Jorge Messi, ka mbërritur në Barcelonë gjatë fundjavës dhe për mediat spanjolle dhe tifozët e skuadrës katalanase është cilësuar si rikthimi i Lionel Messit në vendin ku ka përjetuar suksesin më të madh në karrierë.