Meloni në rrugën e saj për t'u bërë kryeministre e Italisë
Liderja e ekstremit të djathtë Giorgia Meloni ka fituar zgjedhjet e Italisë, sipas sondazheve zgjedhore, kështu që ajo është në rrugën e duhur për t'u bërë kryeministrja e parë femër e vendit, raporton "BBC".
Nëse rezultatet e zgjedhjeve konfirmohen, Meloni do të formojë qeverinë më të djathtë të Italisë që nga Lufta e Dytë Botërore.
Exit poll-i i RAI-t parashikon se ajo do të fitojë midis 22 dhe 26 për qind të votave, përpara rivalit të saj më të afërt Enrico Letta nga qendra e majtë. Disa sondazhe të tjera zgjedhore i japin koalicionit të krahut të djathtë një avantazh prej 41 deri në 45 përqind të votave.
Partitë e koalicionit të qendrës së majtë do të mbeten shumë prapa të djathtës, me diku midis 25,5 dhe 29,5 përqind.
Pjesëmarrja në zgjedhjet e djeshme ishte e ulët, rreth 64,7 për qind deri në mbylljen e qendrave të votimit, tha Ministria e Brendshme italiane. Një interes veçanërisht i ulët për zgjedhjet u vu re në rajonet jugore, duke përfshirë Siçilinë.