Një gazetar meksikan që punonte në një nga zonat me më shumë krime në vend u vra nga persona të armatosur mbrëmë dhe dy oficerë policie që ishin përgjegjës për sigurinë e tij u plagosën, thanë autoritetet lokale.

Një portal lajmesh në internet i drejtuar nga gazetari Alejandro Martinez konfirmoi vdekjen e tij. Faqja mbulon lajmet lokale dhe krimin në Celaya, qyteti më i rrezikshëm për policinë në Meksikë.

Policia e Celaya tha se Martinez u qëllua nga sulmuesit që udhëtonin me një automjet tjetër. Dy truprojat ndodhen në spital, por nuk dihet gjendja e tyre.

Gazetari ka marrë mbrojtje policore pasi ka raportuar se po kërcënohej. Zyra e prokurorit të shtetit në Guanajuato tha se po hetonte vrasjen.

Martinez po raportonte për një aksident fatal në autostradë vetëm disa orë para se të sulmohej. Truproja e plagosur e dërgoi në spital, ku ndërroi jetë.

Guanajuato ka shkallën më të lartë të vrasjeve në mesin e 32 shteteve të Meksikës, kryesisht për shkak të luftës shumëvjeçare midis kartelit të drogës Jalisco dhe bandës lokale Santa Rosa de Lima. Gjithsej 18 policë janë vrarë që nga fillimi i vitit në Celaya, një qytet me rreth gjysmë milioni banorë. Për shumicën e këtyre vrasjeve dyshohen bandat e drogës.