Medvedev mbetet lider i renditjes së ATP-së, Gjokoviç është në pozitën e gjashtë

Danil Medvedev mbetet në vendin e parë në renditjen ATP/foto: EPA-EFE/JORGE REYES

Me triumfin e turneut në Los Cabos të Meksikës, rusi Danil Medvedev fitoi 250 pikë shtesë dhe rriti avantazhin e tij në renditjen e fundit të ATP-së ndaj Alexander Zverev.

Medvedev tani ka 7.875 pikë, 1.115 më shumë se Zverev, i cili ka më shumë se dy muaj jashtë për shkak të një dëmtimi në kyçin e këmbës. Në vendin e tretë është Rafael Nadal me 5.620 pikë dhe i katërti Carlos Alcaraz me 5.035.

Novak Djokovic, edhe pse nuk pati asnjë paraqitje që nga triumfi i tij në Wimbledon muajin e kaluar, mbeti në vendin e gjashtë në renditje me 4.770 pikë.

Gjokoviç pritet të përjetojë një rënie të mëtejshme në renditje në javët në vijim pasi ai nuk do të luajë në turneun Masters të Serisë 1000 në Montreal, i cili fillon sot dhe ka të ngjarë të humbasë Masters në Cincinnati si dhe turneun e fundit Grand Slam të vitit. US Open..

Në mesin e dhjetë tenistëve më të mirë janë Kasper Ruud, Andrej Rublyov, Hubert Hurkach dhe Janik Siner.

Kërcimin më të madh në renditje e ka bërë Nick Kyrgios, i cili pas fitores së turneut në Uashington, ka avancuar me 26 pozicione dhe tashmë është tenisti i 37-të në botë.

Video e ditës