Drejtuesi i veturës “Golf” me targa të Gjevgjelisë ka ndërruar jetë në vend gjatë përplasjes me kamion të rëndë në kryqëzimin afër Tri Çesmit, ku takohen autostrada për në Shtip dhe autostrada Shtip-Miladinoci.

Bëhet fjalë për një mashkull të lindur në vitin 1986 në Gjevgjeli.

Autostrada Shtip – Miladinovci është mbyllur në të dy drejtimet, ndërsa hetimet nga organet hetuese vazhdojnë. Komunikacioni nga Shtipi për Veles, Sveti Nikollë dhe Shkup dhe në drejtim të kundërt zhvillohet në rrugën rajonale.

Nga fillimi i vitit e deri më tani tre persona kanë humbur jetën në aksidente të rënda trafiku në rrugët përreth Shtipit.

Zëdhënësja e SVR-Shtip Gordana Panajotova ka bërë të ditur se gjatë ditës do të dalin me më shumë detaje rreth aksidentit të komunikacionit.