Musk shpall misionin në Mars në vitin 2026
Në fund të vitit të ardhshëm, robotët e Teslës duhet të fluturojnë në Mars me një raketë SpaceX. A mund të shkojnë njerëzit së shpejti në Planetin e Kuq?
Me rastin e 23-vjetorit të themelimit të kompanisë së tij të fluturimeve hapësinore SpaceX, miliarderi amerikan Elon Musk njoftoi një mision në Mars vitin e ardhshëm.
Rekomanduar
Musk njoftoi sot në rrjetin e tij social X se mega-raketa Starship e SpaceX do të fluturojë në Mars në fund të vitit 2026 me robotë humanoidë të quajtur Tesla Optimus, duke vlerësuar se njerëzit mund të shkojnë në planetin e kuq tre deri në pesë vjet më vonë.
"Starship do të shkojë në Mars në fund të vitit të ardhshëm, me Optimus." “Nëse ulja (në Mars) shkon mirë, atëherë njerëzit mund të shkojnë atje që në vitin 2029, megjithëse ka më shumë gjasa të jetë në vitin 2031”, shkroi multimiliarderi dhe bashkëpunëtori i ngushtë i presidentit amerikan Donald Trump në rrjetin e tij social X.
Çfarë është Starship dhe çfarë supozohet të arrijë?
Tarshipi 123 metra i gjatë, me madhësinë e një ndërtese 40-katëshe, do të jetë raketa më e madhe dhe më e fuqishme në botë.
Zhvillimi i tij është thelbësor për përmbushjen e ambicieve të Musk për të zhvilluar udhëtime në Hënë dhe Mars.
Agjencia amerikane e hapësirës (NASA) po pret një version të modifikuar të anijes për programin e saj Artemis, i cili synon të dërgojë astronautë në Hënë këtë dekadë.
Megjithatë, përpara se të niset në Mars, SpaceX duhet të provojë se mega-raketa është e besueshme, e sigurt për ekuipazhin dhe e aftë për furnizim kompleks me karburant në orbitë, gjë që është thelbësore për misionet e thella në hapësirë.
Por në testet e deritanishme ka pasur probleme. Gjatë testimit të fundit të fluturimit javën e kaluar, pjesa e sipërme e raketës shpërtheu përsëri, duke bërë që SpaceX të humbasë kontaktin me raketën gjigante Starship. Sipas Administratës Federale të Aviacionit të SHBA (FAA), incidentet duhet të hetohen përpara se të kryhet një fluturim tjetër provë.
Çfarë është Optimus?
I njohur gjithashtu si Tesla Bot, Optimus është një robot humanoid që po zhvillohet nga kompania e automjeteve elektrike të Musk.
Ai është krijuar për të kryer detyra të përsëritura, të rrezikshme ose të zakonshme që njerëzit më mirë do t'i shmangnin.
Miliarderi i teknologjisë zbuloi robotin në një ngjarje vitin e kaluar. duke thënë se ai pret që ajo të shitet për 20.000 dollarë (18.300 €) deri në 30.000 dollarë.
Burimi: Deutsche Welle
