Mariçiq: Përfshirja e bullgarëve në Kushtetutë nuk duhet të ndodhë menjëherë
Zëvendëskryeministri për Çështjet Evropiane, Bojan Maricic, mendon se përfshirja e bullgarëve në Kushtetutë nuk duhet të ndodhë menjëherë.
– Mendoj se duhet të shihen të gjitha problemet në paketë, nuk mund ta bëjmë një nga një. Edhe për sa i përket përmbajtjes, kryeministri tha se nuk kemi probleme. Kushtetuta jonë është e tillë dhe lejon që të përmenden më shumë komunitete etnike. Duhet të përcaktohet në proces në cilën pikë dhe si do të ndodhte. Nuk mund të ndodhë menjëherë, as nuk duhet të ndodhë. Ne thamë se kjo mund të ndodhë pak para anëtarësimit tonë në BE. Presidenti bullgar Radev tha se duan që kjo të jetë para negociatave tona me BE-në. Duke qenë se është temë e negociatave, nuk do të hyja në detaje, por duhet gjetur një kompromis në atë kornizë, tha Mariçiq në emisionin “Click Plus” në TV21.