Presidenti francez Emmanuel Macron sot u shpreh se marrëveshja ndërmjet Serbisë dhe Kosovës është "progres i rëndësishëm" dhe se tani është thelbësore që të dyja palët të tregojnë përgjegjësi dhe "menjëherë dhe me mirëbesim të fillojnë të zbatojnë të gjitha detyrimet" e përcaktuara në të.

Në fund të një sesioni të liderëve të BE-së, në të cilin Përfaqësuesi i Lartë i BE-së Josep Borrell i informoi ata për marrëveshjen midis Beogradit dhe Prishtinës për normalizimin e marrëdhënieve, Macron e përshëndeti marrëveshjen dhe bëri thirrje për zbatimin e saj të shpejtë.

Presidenti francez vuri në dukje se "dihet mirë se sa Franca dhe Gjermania kanë punuar së bashku për këtë dhe se do të vazhdojnë ta bëjnë këtë në të ardhmen".

Zëdhënësja e Bashkimit Evropian Peter Stano ai po ashtu ka thënë se Kosova dhe Serbia mund të rrezikojnë reputacionin e tyre ndërkombëtar nëse nuk fillojnë sa më parë zbatimin e Marrëveshjes së Ohrit.

Stano theksoi se kredibiliteti i palëve do të kërcënohet nga moszbatimi i asaj që është rënë dakord, sepse për t'u parë si partner i besueshëm i BE-së duhet të zbatojnë atë që kanë premtuar.

BE: Kosova dhe Serbia mund të kërcënojnë reputacionin e tyre ndërkombëtar nëse nuk fillojnë së shpejti zbatimin e Marrëveshjes së Ohrit