Hendbollistet e Maqedonisë këtë vit do të luajnë në Kampionatin Evropian të hendbollit në plazh
Pas tërmetit në Turqi dhe Siri në fillim të shkurtit, siç raportohet nga Federata Evropiane e Hendbollit (EHF)Kombëtarja e Maqedonisë për femra do të jetë zëvendësuesja e Turqisë në Kampionatin Evropian të hendbollit në plazh që do të mbahet këtë vit.
Ndërsa në konkurrencën e meshkujve kombëtarja e Zvicrës do të zëvendësojë Turqinë.
Për shkak të tërmetit shkatërrues, Turqia ka tërhequr kombëtaret e saj nga gara, e cila do të mbahet në Nazare të Portugalisë, nga data 24 deri më 28 maj 2023.
Hendbollistet maqedonase do të luajnë në grupin “B” së bashku me Holandën, Ukrainën dhe Portugalinë nikoqire.
Gjermania që është kampione në fuqi e Europës është në grupin “A” me Danimarkën, Francën dhe Italinë.
Në grupin “C” janë Hungaria, Greqia, Norvegjia dhe Sllovakia, ndërsa në grupin e fundit “D” do të luajnë Spanja, Polonia, Kroacia dhe Rumania.