Shtatëdhjetë e tre vjeçari O.P., shtetas i Maqedonisë, ka humbur jetën mbrëmë në një aksident trafiku që ka ndodhur në qytetin malazez të Budvës.

Aksidenti ka ndodhur në rrugën e Adriatikut, ku viktima ka qenë një këmbësor, njofton Qendra Operative e Komunikimit (QKK) e Drejtorisë së Policisë.

Një automjet e goditi teksa po kalonte rrugën pranë godinës së Policisë Komunale, njëqind metra larg semaforit kryesor.

Siç njofton policia, aksidenti ka ndodhur rreth 45 minuta pas mesnate kur në të ka goditur vetura e drejtuar nga MM (28) nga Tivati.

Qarkullimi është ndalur dhe devijuar në rrugët përreth.

Me urdhër të Prokurorisë Themelore të Shtetit, hetimin e ka zhvilluar policia rrugore e Departamentit të Sigurisë në Budvë. Trupi i pajetë i viktimës është dërguar për obduksion, ndërsa drejtuesi i mjetit është arrestuar.