Një maqedonas pengoi kalimin e Arnautovic te Manchester United

Arnautovic ofendoi Alioskin në baza kombëtare në Euro 2020/foto: EPA-EFE/Robert Ghement

Premierliga angleze, Manchester United, ka refuzuar të nënshkruajë me lojtarin e Bolonjës, Marko Arnautovic, nën presionin e tifozëve, e sidomos pas emailit të dërguar klubit nga Michael Damevski.

Mediat angleze shkruajnë se Damevski, në emailin drejtuar drejtuesve të United, pyet se si do të ndikojë nënshkrimi i Arnautovicit në politikën e klubit për tolerancë zero ndaj racizmit.

Tifozi shkruan në email se gjatë Kampionatit Evropian që u zhvillua vitin e kaluar, Arnautovic ka hyrë në një duel verbal me përfaqësuesin maqedonas Ezdjan Alioski, të cilin e ka ofenduar në bazë kombëtare, për çka është suspenduar nga UEFA për një ndeshje. Ngjarja ka ndodhur gjatë ndeshjes Austri – Maqedoni (3:1).

Ky email, sipas “Athletic”, bëri që një pjesë e administratës të mendonte për angazhimin e Arnautovic dhe pasi mori emaile të tjera nga tifozët që kërkonin që transferimi të mos realizohej, United hoqi dorë nga blerja e lojtarit të Bolonjës.

Sa afër ishte Arnautovic për një transferim te Manchester United flet shumë për faktin se klubi ra dakord për kushtet personale me Arnautovic dhe përgatiti një ofertë prej 8 milionë euro për Bolonja, pasi skuadra italiane refuzoi ofertën e parë prej 6,8 milionë euro.

 

Video e ditës