Mafiozi italian Eduardo Greko, që besohet të jetë anëtar i organizatës së fuqishme kriminale kalabreze 'Ndrangheta, u arrestua sot në Saint-Etienne të Francës, pas 16 vitesh në arrati, raporton "BBC". Ai u kap në qytetin francez, ku punoi si kuzhinier picash për të paktën tre vjet.

63-vjeçari mafioz u dënua me burgim të përjetshëm në vendlindjen e tij për vrasjen e dy vëllezërve dhe një tjetër tentativë vrasjeje dhe policia franceze e arrestoi falë informacioneve të marra nga karabinierët italianë. Ai u arrestua rreth orës 1:40 të mëngjesit të sotëm në një rrugë në Saint Etienne.

Greco doli pasditen e sotme para prokurorit të Lionit, i cili e njoftoi zyrtarisht për urdhër-arrestin e lëshuar nga autoritetet italiane. Ai tha se nuk pranoi t'i dorëzohej autoriteteve gjyqësore italiane dhe më pas u dërgua në paraburgim.

Ministri i Brendshëm italian Matteo Piantedosi në Twitter shprehu kënaqësinë që arrestimet e të arratisurve të rrezikshëm vazhdojnë falë punës së përbashkët dhe bashkëpunimit ndërkombëtar të forcave policore.

Sipas dëshmive dhe dokumenteve që ka parë shtypi francez, ai jetonte me emrin Paolo Dimitrio dhe punoi në disa restorante italiane në St. Etienne. Karabinierët tha se zyra e prokurorit në Catanzaro, Kalabria, lëshoi ​​një urdhër evropian kundër tij në vitin 2014, pasi ai u dënua me burgim të përjetshëm për vrasje të kryera në janar 1991 dhe tentativë për vrasje në korrik 1991.

Arrestimi i tij erdhi një javë pas një operacioni të madh policor kundër mafias në Kalabri, në të cilin morën pjesë 300 anëtarë të forcave të sigurisë, ku u konfiskuan mallra me vlerë më shumë se 250 milionë euro. Qindra anëtarë të 'Ndrangheta' janë aktualisht në gjyq.

Arrestimi i Denaros është një goditje e fortë, por mafia ka duruar edhe tronditje më të mëdha