Në sallën e madhe të galerisë “Ko-Ra” në IP Shtëpia e Kulturës “Koço Racin” në Shkup deri më 29 nëntor do të vendoset ekspozitë me karakter të angazhuar. E titulluar “Kanceri nuk është vetëm shenjë e zodiakut”, autori Sokol Markovski ua kushton ekspozitën e tij personave me kancer.

“Ideja mbi të cilën po ndërtoj projektin me një titull të paqartë buron nga kushtet e ndryshme emocionale dhe fizike me të cilat përballen pacientët me kancer. Njerëzit që luftojnë me një lloj kanceri nuk janë të përfaqësuar në fushën e arteve pamore në vendin tonë, ndaj synimi i projektit është të arrijë në aspektet sociologjike përmes portreteve të personazheve imagjinarë dhe të ngjallë simpatinë për luftën e tyre të përditshme.

Në këtë rast, vlerësoj se prezantimi i portreteve (ka kohë që po e perfeksionoj zhanrin e portretit) është forma më e drejtpërdrejtë ose më eksplicite e bashkimit të gjendjeve dhe njohurive personale dhe 'njohurisë së kolektivit' (ose pjesë e atë).

Së fundi, përmes portretizimit të një gjendjeje dramatike njerëzore të histerisë së brendshme dhe kaosit të cilit i nënshtrohet vazhdimisht individi, apeloj në një mënyrë tjetër të angazhuar artistikisht për ngritjen e vetëdijes personale dhe shoqërore për luftën kundër kancerit”, tha Markovski.

(Teksti u botua në “Shtypi Kulturor” nr. 107, në botimin e shtypur të gazetës “Shtypi i Lirë” më 27-28 nëntor 2021)