Letonia dhe Estonia u tërhoqën sot nga Nisma “16+1”, qëllimi i së cilës është forcimi i bashkëpunimit të vendeve të Evropës Qendrore dhe Lindore me Kinën.

Vendimi vjen mes kritikave të hapura perëndimore ndaj Kinës për rritjen e presionit ushtarak ndaj Tajvanit, të cilin Kina e pretendon si territorin e saj.

"Pjesëmarrja në formatin 16+1 deri më tani nuk ka prodhuar rezultatet e dëshiruara ekonomike," tha Ministria e Punëve të Jashtme të Letonisë.

Lituania u largua nga Nisma në maj, pas përkeqësimit të marrëdhënieve me Pekinin për shkak të vendimit të Vilnius për të lejuar hapjen e ambasadës tajvaneze në territorin e saj.

Nga ana tjetër, Letonia njoftoi se pjesëmarrja në iniciativë nuk është më "në përputhje me qëllimet strategjike në mjedisin aktual ndërkombëtar".

Të dy vendet theksuan të enjten se duan të vazhdojnë punën për "marrëdhëniet konstruktive dhe pragmatike me Kinën", duke respektuar sistemin e bazuar në rregulla ndërkombëtare dhe respektimin e të drejtave të njeriut.

Kroacia, Bullgaria, Çekia, Greqia, Hungaria, Polonia, Rumania, Sllovakia dhe Sllovenia janë ende pjesëmarrëse në Iniciativën “16+1”, e cila me gjasë do të ndryshojë emrin pas largimit të shteteve baltike.