Presidenti i Komisionit Evropian Ursula von der Layen tha sot se në Hagë do të hapet një qendër për hetimin e krimeve dhe mbledhjen e provave për aktet e agresionit në Ukrainë.

“Qendra do të koordinojë mbledhjen e provave dhe do të përfshihet në ekipin e përbashkët hetimor, i cili mbështetet nga agjencia jonë Eurojust”, tha Leyen.

Ajo është në një vizitë zyrtare në Kiev së bashku me disa përfaqësues të lartë të BE-së.

Gjykata Ndërkombëtare Penale në Hagë po heton tashmë krimet e dyshuara të luftës dhe krimet kundër njerëzimit lidhur me pushtimin e Ukrainës nga Rusia. Gjykata penale mund të ndjekë penalisht nëse ka prova të mjaftueshme se krimi i gjenocidit është kryer në Ukrainë, por ajo nuk ka juridiksion për të ndjekur penalisht aktet e supozuara të agresionit të kryera nga Rusia.

Sipas përkufizimit të OKB-së "akt agresioni" është "një pushtim ose sulm nga forcat e armatosura të çdo shteti, territori ose çdo pushtimi ushtarak".