Përfaqësuesi i Bashkimit Evropian për dialogun ndërmjet Beogradit dhe Prishtinës dhe çështjeve të tjera rajonale në Ballkanin Perëndimor, Miroslav Lajçak, tha se presidenti i Serbisë, Aleksandar Vuçiq, në takimin e sotëm i ka përcjellë shqetësimin e madh për situatën në të cilën serbët në Kosovë janë, njoftoi korrespondenti i MIA-s nga Beogradi.

Lajçak këtë e ka shkruar në profilin e tij në rrjetin social X pas takimit në Beograd, i cili, shtoi ai, ishte përgatitje për takimin e radhës të negociatorëve kryesorë.

"Unë theksova se duhet të flasim dhe të gjejmë zgjidhje të dakorduara në kuadër të dialogut", tha Lajçak.

Presidenti Vuçiq sot në një konferencë për media, pas takimeve të ndara me Lajçak dhe ambasadorin amerikan në Beograd, Christopher Hill, tha se në 72 orët e ardhshme do t'i drejtohet publikut se çfarë kërkon Serbia për shkak të sulmit brutal ndaj popullatës serbe. kryesisht në veri të Kosovës.

Vuçiq ka theksuar se Beogradi është gjithmonë i hapur për dialog me Prishtinën dhe se është i gatshëm të shkojë në Bruksel për të vazhduar dialogun me Kurtin.

Por Serbia nuk është e gatshme dhe nuk do të lejojë pogromin dhe persekutimin e popullatës së saj, tha Vuçiq.

Vuçiq: Tani është fare e qartë se Kurti dëshiron të persekutojë serbët