Komandanti kryesor i forcave kurde, Mazloum Abdi, tha sot se operacionet kundër IS-it janë pezulluar për shkak të sulmeve turke të javës së kaluar në veri të Sirisë.

Ai theksoi se pas pothuajse një javë sulmesh ajrore turke në veri të Sirisë, Ankaraja po përgatitet për një ofensivë tokësore.

Komandanti i Forcave Demokratike Siriane tha se luftëtarët e opozitës të mbështetur nga Turqia po përgatiteshin të merrnin pjesë në operacione.

Abdi shtoi se sulmet turke gjatë javës së kaluar shkaktuan dëme serioze në infrastrukturë.

Sipas tij, Turqia po përdor sulmin vdekjeprurës me bombë në Stamboll më 13 nëntor, për të cilin Ankaraja fajësoi grupet kurde. Organizatat kurde kanë mohuar çdo përfshirje në sulmin e Stambollit që vrau gjashtë dhe plagosi dhjetëra.

Kurdët sirianë të mbështetur nga Uashingtoni kanë mohuar më parë çdo lidhje me sulmin në Stamboll.