Kreu i diplomacisë ukrainase të Ukrainës, Dmytro Kuleba sot, pas fitores së partisë populiste Smer-Social Democracy, e cila kundërshton ndihmën për Kievin, në zgjedhjet parlamentare në Sllovaki, theksoi se Kievi do të "respektojë zgjedhjen e popullit sllovak".

- Ne respektojmë zgjedhjen e popullit sllovak. Megjithatë, është shumë herët të thuhet se si rezultati i këtyre zgjedhjeve do të ndikojë në pozicionin e Sllovakisë. Duhet të presim formimin e koalicionit dhe më pas, pasi të shohim përbërjen e tij, do të nxjerrim përfundimet e para, tha Kuleba në margjinat e takimit të ministrave të punëve të jashtme të Bashkimit Evropian, që po mbahet në Kiev.

Partia Smer Social Democracy, e udhëhequr nga ish-kryeministri Robert Fico, planifikon t'i japë fund ndihmës ushtarake për Ukrainën dhe kritikon BE-në dhe NATO-n. Fico, gjatë fushatës zgjedhore, premtoi se Sllovakia nuk do të dërgonte "asnjë plumb" në Kiev dhe bëri thirrje për lidhje më të mira me Rusinë.

Sllovakia është ndër vendet që ka ofruar më shumë ndihmë për Ukrainën.