Policia në Kumanovë është duke punuar në rastin për zbulimin e pronarit të qenit që sulmoi dhe kafshoi tetë banorë të qytetit, katër prej të cilëve fëmijë, tha sot ministri i Brendshëm. Oliver Spasovski, duke iu përgjigjur një pyetjeje gazetareje.

Ai tha se organet kompetente, mbi të gjitha pushteti vendor, duhet të marrin masa të gjera për zgjidhjen e problemit të qenve endacak.

“Qentë endacakë janë problem serioz dhe këtu duhet të ndërmerren masa të gjera nga organet kompetente, mbi të gjitha nga vetëqeverisja lokale dhe nuk duhet të lëmë pa marrë masa dhe në këtë mënyrë të rrezikojmë veten. “Nuk duhet të lejojmë keqtrajtim dhe vrasje të kafshëve dhe kafshët që nuk kujdesen të mos lejohen të sulmojnë qytetarët”, tha Spasovski.

Pas sulmit të qenit ndaj katër fëmijëve dhe katër të rriturve në Kumanovë, nga analizat e Qendrës Veterinare dhe Blegtorale “Todor Velkov” rezultoi se nuk ishte qen endacak, por se mbahej, gjegjësisht kishte pronar. .

Qeni agresiv është kapur dhe është vendosur në strehimoren e Qendrës Veterinare dhe Blegtoriale në Cetircë.

Tetë personat e kafshuar kanë kërkuar ndihmë në spitalin e Kumanovës, ndërsa incidentin e kanë denoncuar në polici.