Kryeministri Dimitar Kovaçevski, Në intervistë për TV serb "Pink" gjatë vizitës në Serbi, ai tha se për vendet e Ballkanit Perëndimor nuk ka alternativë ndaj BE-së që do ta bëjë rajonin të begatë, të qëndrueshëm dhe të sigurt.

Sipas kryeministrit, marrëdhëniet mes Serbisë dhe Maqedonisë së Veriut janë shembull për rajonin.

Nisma e Ballkanit të Hapur dhe procesi i Berlinit bazohen në vlerat evropiane, sepse të gjithë qytetarët nga vendet e rajonit kanë të drejtë të jetojnë dhe të bashkëpunojnë me njëri-tjetrin, tha Kovacevski, duke shtuar se nisma bazohet në katër liritë e lëvizjes në BE-ja, mbi të cilën bazohet vetë BE-ja: lëvizja e lirë e njerëzve, kapitalit, mallrave dhe shërbimeve.

“Nëse shikojmë vetëm shkëmbimin tregtar ndërmjet Serbisë dhe Maqedonisë së Veriut, ai tashmë është në nivelin 1,1 miliardë euro. “Absolutisht për shkak të Open Balkans, këtë e thonë vetë kompanitë”, tha Kovaçevski në intervistë.

Ai shtoi se në dhjetë vitet e fundit “dyert e BE-së janë më të hapurat për Ballkanin Perëndimor” në krahasim me më parë.

“Agresioni ushtarak i Rusisë kundër Ukrainës e vendosi BE-në para një vendimi në lidhje me ndikimin dhe përfshirjen e saj në proceset e Ballkanit Perëndimor. Prandaj e shihni sa e fokusuar është BE-ja në zgjidhjen e të gjitha çështjeve të hapura që janë pjesë e vendeve të Ballkanit Perëndimor”, tha kryeministri në një intervistë për “Pink”.