Kovaçevski: VMRO-DPMNE nuk e ka idenë, e majta është bërë e djathta me veprimet e saj dhe po i merr plotësisht peng
Ne kemi detyrimin ta mbajmë timonin e vendit në drejtimin e duhur europian dhe të parandalojmë të gjitha përpjekjet për ta penguar atë, sepse në rrugën europiane të vendit ka kërcënime. E majta dhe Dimitar Apasiev, me populizmin e rrezikshëm, me retorikën ndezëse kundër NATO-s dhe BE-së, është faktor që punon për të rrezikuar rrugën evropiane, tha sonte kryetari i LSDM-së Dimitar Kovaçevski në forumin e organizuar në Shtip.
Ai theksoi se VMRO-DPMNE-ja nuk ka ide tjetër përveç përhapjes së lajmeve të rreme dhe shkatërrimit.
- E pranojnë vetë. Dje Nikolovski nga VMRO-DPMNE tha në televizion se planin do ta tregojmë kur të vijmë në pushtet. Pra, a po dëgjojnë mirë ato që thonë? Ata nuk kanë as plan, nuk kanë ide, nuk kanë vizion për të ardhmen dhe nuk kanë ofertë për qytetarët. Prandaj e majta është bërë e djathtë me veprimet e saj dhe po i merr plotësisht peng. Politikat ndezëse mund të shkatërrojnë të ardhmen e vendit dhe ta pengojnë rrugën evropiane dhe ne nuk duhet ta lejojmë këtë, tha Kovaçevski.
- Me gjithë përvojën time menaxheriale dhe ekonomike, me një plan të ri ekonomik mund të sjell ndryshimin social që na nevojitet. Unë kam nevojë për mbështetje, bashkë me ju, bashkë me qytetarët për të bërë ndryshimet dhe që kthesa ekonomike të ndodhë vitin e ardhshëm. Së bashku të ndërtojmë një Maqedoni evropiane, e cila do të jetë qendër e energjisë së gjelbër, anëtare e barabartë e BE-së, shtet i mundësive për të rinjtë, shtet i sigurt për pensionistët. Rroftë Shtipi, rroftë LSDM, rroftë Maqedonia evropiane, shtoi Kovaçevski.
