Kryeministri Dimitar Kovaçevski sot dhe nesër do të marrë pjesë në Forumin e Sigurisë Globale të Globsec 2023 në Bratislavë.

Siç informojnë nga shërbimi për shtyp i qeverisë, Kovaçevski do të mbajë fjalim në panel me temë "Rrugët e hapura: Ballkani është kthyer në lojë", me fokus bashkëpunimin rajonal, integrimin e rajonit në BE dhe sfidat për Evropën nga luftë në Ukrainë.

- Në kuadër të agjendës, kryeministri Kovaçevski do të ketë takim bilateral me presidentin francez Emmanuel Macron, si dhe me përfaqësuesin special të BE-së për dialogun Beograd-Prishtinë, Miroslav Lajçak, njoftoi shërbimi për shtyp.

Në forum marrin pjesë krerët e shteteve dhe qeverive nga Evropa dhe bota, si dhe përfaqësues të organizatave ndërkombëtare më të rëndësishme dhe me ndikim.

Forumi i Sigurisë Globsec është themeluar si platforma më e spikatur në të gjithë rajonin e Evropës Qendrore dhe Lindore (EQL). Edicioni i 18-të i këtij viti i Forumit synon t'i kujtojë botës se ky rajon nuk ka qenë kurrë më vendimtar në sigurimin e stabilitetit global.

Në fokusin e diskutimeve në Forumin e ardhshëm, pjesëmarrësit do të fokusohen në tre tema: mbështetja e mëtejshme për Ukrainën, rezistenca e Evropës ndaj luftës, si dhe zbutja e pasojave globale të konfliktit duke forcuar lidhjet ekonomike dhe energjetike.