Ministri i Brendshëm i Kosovës, Xheljal Sveçja, ka paralajmëruar inspektime të objekteve në Kosovë, me qëllim të monitorimit të respektimit të masave të mbrojtjes nga zjarri.

“Me urdhër timin, Agjencia e Situatave Emergjente, me mbështetjen e Policisë së Kosovës, ka dy ditë që po kryen inspektime të subjekteve afariste me frekuentim të lartë të qytetarëve, me qëllim të monitorimit të respektimit të masave për mbrojtje nga zjarri”, ka thënë Xheljalj Sveclja në Facebook.

Ai ka konfirmuar se tashmë janë bërë inspektime në Prishtinë dhe Pejë, por se ato do të kryhen në vazhdimësi në mbarë Kosovën, tha Kossev. Svecja thotë se tashmë është konstatuar se subjekte të caktuara afariste nuk i kanë respektuar standardet e sigurisë sa i përket masave të mbrojtjes nga zjarri.

Atyre iu dha një afat për të plotësuar kërkesat ligjore. Ai bëri të ditur se do të ndërmerren masa të rrepta, urgjente dhe pa kompromis në rast të mosrespektimit të masave të sigurisë brenda afatit të përcaktuar.

Mbrojtja e jetës së qytetarëve është prioritet dhe nuk do të lejojmë që në asnjë mënyrë të rrezikohet”, tha ai.

Njoftimi për inspektimin erdhi vetëm pak ditë pas tragjedisë së madhe në Maqedoni në qytetin e Koçanit, kur nga zjarri në një diskotekë humbën jetën 59 persona dhe mbi 150 të tjerë u plagosën.