Saktësisht 182.849 është numri i shtëpive të pabanuara në mbarë Kosovën, sipas të dhënave të fundit nga regjistrimi i popullsisë në vitin 2024, të publikuara nga Agjencia e Statistikave të Kosovës (ASK).

Bazuar në këto të dhëna, komuna e Prishtinës ka numrin më të madh të shtëpive të boshatisura, gjithsej 25.195, pasuar nga Prizreni me 16.842 dhe Ferizaj me 15.228.

Krahasuar me regjistrimin e fundit të popullsisë në vitin 2011, numri i shtëpive të pabanuara është rritur me 83.041.

Sipas ASK-së, të dhënat e fundit ofrojnë një pasqyrë të detajuar të ndryshimeve demografike në Kosovë.

“Këto të dhëna ofrojnë një pasqyrë të detajuar të popullsisë, grupmoshave, gjinisë dhe familjeve, duke ndihmuar në analizimin e ndryshimeve demografike ndër vite”. “Këto të dhëna ofrojnë karakteristika të vendbanimeve, statusin e aftësisë së kufizuar, ndërtesat, banesat dhe amvisëritë, si dhe arsimin”, thuhet në komunikatën e ASK-së.

Përveç atyre për banesa, të dhënat e reja të ASK-së tregojnë edhe numrin e ndërtesave të reja që kanë të paktën një banesë të banueshme.

Sipas statistikave, në të gjithë vendin janë 274.116 objekte të tilla. Edhe kjo shifër krahasuar me regjistrimin e popullsisë të vitit 2011 është rritur me 26.167 njësi.

Rritje ka pasur edhe në totalin e banesave krahasuar me situatën e 13 viteve më parë. Ndërsa në vitin 2011 ishin 312.711, regjistrimi i vitit të kaluar tregon 556.779 objekte.

Agjencia e Statistikave publikoi rezultatet e para përfundimtare të regjistrimit të popullsisë në dhjetor të vitit të kaluar. Bazuar në këto rezultate, Kosova ka 1.602.515 banorë.

Kjo shifër është rreth 2011 mijë banorë më e ulët se censusi i vitit 150.