Ndryshimi i Preambulës së Kushtetutës së Maqedonisë është garanci për fillimin e fazës së re të procesit negociator të Maqedonisë së Veriut me Bashkimin Evropian, siguron ambasadori i Mbretërisë së Holandës në vend, Dirk Jan Kopp.

- Faza e dytë do të fillojë në momentin kur Maqedonia e Veriut ndryshon Preambulën në Kushtetutë për të përfshirë pakicën bullgare, së bashku me shtatë bashkësitë etnike të përmendura tashmë në Kushtetutë. Në konkluzionet e Këshillit korrikun e kaluar thuhet qartë se sapo Maqedonia e Veriut të miratojë ndryshimet kushtetuese, faza e dytë do të fillojë menjëherë pa ndonjë vendim tjetër politik. Pra, po, ndryshimi i Preambulës në Kushtetutë garanton fillimin e një faze të re. Është automatik, thotë ambasadori Kopp në një intervistë për Radion Evropa e Lirë.

Pavarësisht kërcënimeve nga Bullgaria për veto të re, ambasadori Kopp siguron se kjo nuk do të ndodhë, por megjithatë shton se çështja dypalëshe nuk duhet të përdoret si justifikim për mospërfundimin e reformave.

"Situata në sistemin gjyqësor është e dhimbshme për t'u parë dhe në vend të progresit shohim një përkeqësim të situatës me korrupsionin", thotë ambasadori Kopp.

Ambasadori i Mbretërisë së Holandës paralajmëron se përdorimi i flamurit evropian për ligjet "Bechtel dhe Enka" mund të ketë pasoja në procesin e mëtejshëm të procesit të integrimit evropian, pasi në këtë rast nuk bëhet fjalë për respektimin e legjislacionit evropian. .