Conte: Ne kemi pasur një fillim të përsosur të sezonit, tifozët e kanë parë se për çfarë kemi punuar gjatë gjithë verës
Tottenham bëri përshtypje të madhe në ndeshjen e parë të sezonit të ri, duke mposhtur Southamptonin 4:1 dhe tregoi se është gati të luftojë për kryesimin e tabelës së Premierligës.
Ryan Sessegnon, Eric Dyer dhe Dejan Kulusevski ishin të shënuar, ndërsa goli i katërt ishte autogol i Mohamed Salisu.
I kënaqur për fitoren bindëse dhe lojën e treguar është shprehur edhe menaxheri Antonio Conte.
“Ky është një fillim perfekt i sezonit për ne, pavarësisht faktit që pësuam gol të parët. E nisëm mirë ndeshjen, pësuam gol, por më pas vazhduam të bënim atë që kishim planifikuar dhe insistuam dhe punuam në përgatitje. Rezultati është i rëndësishëm, por mënyra se si arritëm atje është gjithashtu e rëndësishme për mua. Krijuam shumë raste, kishim posedimin e topit, kishim presion të shkëlqyer të lartë dhe të mesëm dhe patëm reagimin e duhur kur humbëm topin. Kjo është vetëm ndeshja e parë e sezonit, por ju mund të shihni gjithçka për të cilën kemi punuar në përgatitje, dhe kjo është arsyeja pse unë jam i kënaqur - tha Conte.