Të hënën dhe të martën në Shkup do të mbahet Konferenca për trajtimin e antisemitizmit në rajonin e OSBE-së, si e para nga një seri konferencash dhe takimesh të rëndësishme që do të organizohen gjatë Kryesimit të OSBE-së në vitin 2023.

Konferenca për Antisemitizmin, si një mbledhje tradicionale e vendeve pjesëmarrëse të OSBE-së, synon të sigurojë një lidhje midis tendencave të së shkuarës, të tashmes dhe të së ardhmes në luftën kundër antisemitizmit.

Konferenca do të fillojë me seancën e nivelit të lartë, të cilën do ta hapë kryetari i OSBE-së, ministri i Punëve të Jashtme, Bujar Osmani, i cili më pas do të mbajë një konferencë për media së bashku me drejtorin e ODIHR-it, Mateo Macacchi.