Duke u larguar përfundimisht nga Real Madridi, Isco vjen te Sevilla
Skuadra e Sevillas ka marrë një përforcim të madh para fillimit të sezonit në të cilin skuadra do të luajë në tre fronte, Champions League, La Liga dhe Kupa e Mbretit spanjoll.
Një anëtar i ri i Sevillas është Isco, i cili është larguar nga Real Madridi pas nëntë vitesh pasi ka kaluar më shumë kohë në stol sesa ka luajtur në sezonet e fundit. Megjithatë, Isco ishte pjesë e “Klubit Mbretëror” në pesë triumfe të Ligës së Kampionëve dhe luajti gjithsej 246 ndeshje dhe shënoi 37 gola.
Para Realit, Isco luajti për Malagën, me të cilën arriti në çerekfinale të Ligës së Kampionëve në vitin 2013.
Sipas gazetarit, Fabrizio Romano, Isco vjen në Sevilla si lojtar i lirë dhe nesër pritet të nënshkruajë kontratë dyvjeçare pasi të ketë kaluar ekzaminimet mjekësore.