“Higjiena komunale”: Ne, jo bullgarët e pastruam monumentin e Goces
Ndërmarrja publike e Shkupit “Higjiena Komunale” njofton opinionin se janë të pavërteta njoftimet e “disa provokatorëve” fotot e të cilëve kanë dalë në internet, duke pretenduar se po pastronin monumentin e Goce Dellçevit në parkun e qytetit në Shkup.
“Monumenti i Goce Dellçevit, si dhe shumë monumente të tjera përreth qytetit, janë objekt i akteve vandaliste dhe dëmtimeve të vazhdueshme. Vetëm te Monumenti i Goce Dellçevit, Ndërmarrja Publike “Higjiena Komunale” në muajin e kaluar madje tri herë ka ndërmarrë një aksion të plotë pastrimi me mekanizim, mjete dhe resurse të duhura njerëzore”, thonë nga Ndërmarrja publike “Higjiena Komunale”.
Nga atje ata dënojnë aktin e vendosjes së një flamuri të një vendi të huaj në memorial.
“Fakti që dikush vendos flamurin e një shteti të huaj në tabelat tona, si dhe merr merita të rrejshme për punën e SHSHP-së, duke e paraqitur si të tyren, është edhe më tej i dënueshëm dhe u bëjmë thirrje institucioneve kompetente që ta hetojnë rastin. dhe të ndërmerren masat përkatëse”, thonë nga Ndërmarrja Publike.
Ata apelojnë dhe bëjnë thirrje që qytetarët të ndërgjegjësohen – të mos vandalizojnë dhe dëmtojnë monumentet dhe hapësirat publike.