Komandanti i KFOR-it: Kurti e ka fajin për krizën, ai përdori policinë, prandaj duhej të ndërhynim
Kryeministri i Kosovës, Albin Kurti, është fajtor për krizën në Kosovë, sepse ai “së pari emëroi shqiptarët si kryetarë të komunave që nuk njihen nga shumica serbe përkundër këshillave të gjithë bashkësisë ndërkombëtare. Pastaj pasoi lëvizja e njëanshme e Qeverisë në Prishtinë për të përdorur forcën pa u konsultuar me neKomandanti i KFOR-it, gjenerali Angelo Michele Rastuccia tha për gazetën italiane Corriere della Sera, transmeton Beta.
Gjenerali italian theksoi se “kështu u bë e nevojshme ndërhyrja e KFOR-it për të shmangur një tragjedi” dhe se “për dy vjet janë bërë hapa që na tërheqin prapa dhe tani mjafton me veprime të njëanshme”.
“Misioni i NATO-s nuk mund dhe nuk duhet të konsiderohet si mbulesë dhe mbrojtje për lëvizjet e njëanshme që cenojnë ekuilibrin shumë të brishtë”, ka thënë qartë komandanti i KFOR-it në një intervistë me gazetaren e “Corriere della Sera” nga Prishtina.
Në raport nënvizohet se “komandantit të KFOR-it i mbetet ende përshtypja për gjithçka, sepse mund të kishte shkaktuar viktima nëse nuk do të ndërhynin ushtarët e tij, të cilët u vendosën mes serbëve të zemëruar dhe policisë ushtarake të Kosovës”.
Pyetjes “a nuk ishte një veprim i qeverisë që vepron në territorin e saj”, gjeneral Rastucha i përgjigjet se “nuk duhet të pretendojmë se ka një situatë normale, sepse këto janë vendime që merren pa pëlqimin tonë dhe nga palët e interesuara”.
“Kjo në asnjë mënyrë nuk kontribuon në besimin e ndërsjellë, pasojat e dëmshme të lëvizjeve të tilla gjithmonë duhet të vlerësohen dhe kur më ka folur kryeministri Kurti, gjithmonë ka thënë se është dakord me një qasje të tillë”, ka shpjeguar komandanti i KFOR-it.