Një tërmet me intensitet 7,8 të shkallës Rihter goditi dje Turqinë dhe Sirinë, duke vrarë të paktën 4.000 njerëz në të dy vendet. Numri i të vdekurve pritet të vazhdojë të rritet pasi ekipet e shpëtimit kryejnë operacione në mot të keq, temperatura të ftohta dhe borë për të nxjerrë njerëzit e varrosur nën rrënoja.

Disa nga tërmetet më vdekjeprurëse në botë që nga viti 2000:

22 qershor 2022: Një tërmet me magnitudë 6,1 vret më shumë se 1.100 njerëz në Afganistan.

14 gusht 2021: Një tërmet me magnitudë 7,2 vret më shumë se 2.200 njerëz në Haiti.

28 shtator 2018: Tërmeti me magnitudë 7,5 ballë në Indonezi – 4.300 të vdekur.

25 Prill 2015: Në Nepal, më shumë se 8.800 njerëz vdiqën në një tërmet 7,8 ballë.

11 mars 2011: Një tërmet me magnitudë 9 në brigjet veriore të Japonisë shkakton një cunami që vret afro 20.000 njerëz.

12 janar 2010: Një tërmet me magnitudë 7 në Haiti vrau rreth 316.000 njerëz, sipas vlerësimeve të qeverisë.

12 maj 2008: Një tërmet me magnitudë 7,9 goditi provincën Sichuan të Kinës qendrore, duke vrarë më shumë se 87.500 njerëz.

26 maj 2006: Më shumë se 5.700 njerëz humbën jetën pasi një tërmet me magnitudë 6,3 goditi ishullin indonezian Java.

8 tetor 2005: Një tërmet me magnitudë 7,6 vret më shumë se 80.000 njerëz në Kashmir të Pakistanit.

28 Mars 2005: Tërmeti me magnitudë 8,6 në Sumatrën e Veriut, Indonezi – rreth 1.300 të vdekur.

26 dhjetor 2004: Valët e cunamit në Oqeanin Indian të shkaktuara nga një tërmet me magnitudë 9,1 në Indonezi vranë 230.000 njerëz në dhjetëra vende.

26 dhjetor 2003: Një tërmet me magnitudë 6,6 në Iranin juglindor vret 50.000 persona.

21 maj 2003: Më shumë se 2.200 njerëz vdiqën në një tërmet 6,8 ballë në Algjeri.

26 janar 2001: Një tërmet me magnitudë 7,7 godet shtetin indian të Gujarat, duke vrarë 20.000 njerëz.