Prodhuesi më i madh evropian i birrës alkoolike mbetet Gjermania, sipas të dhënave të fundit të Eurostat.

Vetëm vitin e kaluar në atë vend janë prodhuar 7,2 miliardë litra birrë, që është pothuajse një e katërta (22,3%) e prodhimit të përgjithshëm në Union.

Pasohet nga Spanja (4 miliardë litra; 12,4%), Polonia (3,5 miliardë litra; 10,8%), Holanda (2,4 miliardë litra; 7,5%) dhe Belgjika (2 miliardë litra; 6,3%).

Megjithatë, prodhimi total i birrës me alkool në BE ra me 5 për qind, pasi në vitin 2023 u prodhuan 32,5 miliardë litra nga kjo pije, ndërsa shitja e birrës joalkoolike u rrit me 200 milionë litra, pra me 13,5 për qind në krahasim me 2022.

Pavarësisht se Gjermania është e para për nga prodhimi, Holanda sërish ka primatin në eksportin e birrës. Ky vend eksportoi gjithsej 1,8 miliardë litra në vendet e tjera të BE-së dhe jashtë Bashkimit, që është më shumë se një e pesta e totalit të eksporteve evropiane të birrës (21,5%). Pavarësisht kësaj, ai vend pati një rënie të eksportit të birrës me njëqind milionë litra.

Më pas renditen Gjermania dhe Belgjika (të dyja eksportuan 1,4 miliardë litra secila), më pas Republika Çeke dhe Irlanda (të dyja eksportuan 0,5 miliardë litra birrë).