Nga radhët e KK Pelister kanë bërë të ditur për opinionin se ndeshja ndaj Phoenix këtë fundjavë në Manastir do të luhet para tribunave bosh.

Vendimi vjen në një marrëveshje mes dy klubeve, por Pelisteri thotë se është i shokuar nga dënimet e marra nga anëtarët e administratës së tyre për incidentet e duelit me Kozhufin.

“Gjatë ndeshjes me Kozhuv për 39 minuta, kemi qenë dëshmitarë të një atmosfere të shkëlqyer sportive në fushë dhe në tribuna. Para përfundimit të ndeshjes ka pasur momente të tensionuara pas të cilave pamë qartë se si ish-nacionalistja Edina Musa ka goditur një grua që ishte duke ndjekur ndeshjen me fëmijën e saj. Këtu është përfshirë edhe bashkëshorti i saj, Aleksandar Dimitrovski, ndaj është dashur të ndjekë ndërhyrjen e sigurimit në sallë. Në raportin e gjerë të KFSM-së nuk thuhet se kush është fajtori për incidentin dhe as nuk kemi një shpjegim të plotë të situatës. Vizitorët ishin të vetëdijshëm se po e humbnin ndeshjen në fushë, ndaj nisën të bënin presion mbi zyrtarët. E gjithë kjo duket qartë në pamjet që disponon komisioneri i konkurrencës”, thuhet në njoftimin e Pelisterit.