Ministria e Sportit njoftoi se janë siguruar mjete për rikonstruksionin e sallës sportive në kampusin social të Universitetit “St. Kirili dhe Metodi” në Shkup (UKIM).

Në Rektoratin e UKIM-së dje është mbajtur takim, ku kanë marrë pjesë ministri i Sportit Borko Ristovski dhe rektorja Biljana Angelova. Në takim u përcaktua plan veprimi për realizimin e projektit për vënien në përdorim të sallës sportive “Sht. Kirili dhe Metodi" në kampusin e Universitetit.

Siç njofton Ministria, synohet që kjo sallë në të cilën do të mësojnë studentët e Universitetit, të vihet në funksion sa më shpejt.

Mësimi do të mbahet në sallën për mbi 1.500 studentë të Universitetit.

“Në interes të mirëmbajtjes pandërprerë të mësimdhënies, stërvitjes dhe aktiviteteve të tjera sportive të UKIM-së, Ministria e Sportit do të bëjë përpjekje që kjo sallë të vihet në funksion sa më shpejt, në të mirë të sportit dhe të gjithë studentëve të UKIM-së”, tha. Ristovski.

Rikonstruksioni i sallës do të zhvillohet në disa faza dhe pritet që në një kohë sa më të shkurtër të jetë gati për nevojat e studentëve të Universitetit. Salla do të jetë në pronësi të Universitetit “St. Kirili dhe Metodi” në Shkup sipas Marrëveshjes së lidhur.