Do të hapet pjesa e parë e autostradës Kërçovë-Ohër, të cilën Boçvarski e paralajmëroi për gusht
Autostrada në pjesën nga Trebenishta në Ohër do të vihet në përdorim të hënën, njoftoi sot drejtori i Ndërmarrjes Publike për Rrugë Shtetërore. Ejup Rustemi.
“Nëse shkojmë tani atje, do të shohim që po punohet në të gjithë atë trase, tashmë i kemi zgjidhur problemet administrative që i kemi pasur dhe të hënën e ardhshme do të vihet në përdorim pjesa nga Trebenishta deri në Ohër”, tha Rustemi. Alsat.
Hapja e seksionit u vonua me gati dy muaj, pasi ministri i Transportit dhe Lidhjeve Blagoj Bochvarski pranverë njoftoi se do të nisë në gusht. Rustemi thotë se është vonë sepse rrethanat aktuale nuk i kanë favorizuar punët në terren.
Autostrada ka rreth tetë vjet që është në ndërtim e sipër dhe seksioni ndërmjet Trebenishtës dhe Ohrit është 8,5 kilometra i gjatë, kështu që rezulton se tre qeveritë e ndryshme kanë arritur të ndërtojnë çdo vit një kilometër që nga viti 2014. Ndërtimi i rrugës problematike nga Kërçova në Ohër ishte paraparë të kushtojë 374 milionë euro, ndërsa shuma e shpenzuar deri më tani, sipas deklaratave të fundit të autoriteteve, ka kaluar mbi 600 milionë euro.
Ministri i Transportit dhe Lidhjeve Bocvarski dy ditë më parë dha një premtim të ri – se e gjithë autostrada do të ndërtohet deri në fund të vitit 2023 ose në fillim të vitit 2024.