Kryetari i VMRO-DPMNE-së, Hristijan Mickoski, tha se partia e tij është duke përgatitur një koncept që përfshin uljen e numrit të deputetëve në Kuvendin e Maqedonisë.

“Po shqyrtojmë propozimin e një koncepti që vlerësojmë se nëse partitë në Kuvend janë të sinqerta, mund ta pranojnë. Nga ana tjetër, mendoj se qytetarët do ta mirëpresin, e kjo është zvogëlim i numrit të deputetëve, sepse 120 janë shumë, për të qenë 90, për shembull, sipas modelit slloven. Të kemi një zonë zgjedhore në të njëjtën kohë, thotë Mickoski në intervistën në emisionin “360” në Alsat që do të transmetohet sonte.

Mickoski pohon se duhet të ketë zgjedhje “menjëherë dhe tani, por shton se ai është” absolutisht i vetëdijshëm se kjo nuk do të thotë sot apo nesër, por se duhet të fillojë të mendojë”.