Presidenti kinez Xi Jinping sot ai u rishfaq në televizionin shtetëror pas disa ditësh mungesë nga publiku, gjë që shkaktoi reagime për stabilitetin politik të liderit 69-vjeçar kinez.

Ai u shfaq në televizion, i filmuar gjatë një vizite në një ekspozitë të quajtur "Celebrating Progress in the New Era" në Panairin e Pekinit.

I shoqëruar nga Kryeministri Li Keqiang dhe udhëheqës të tjerë të lartë kinezë, Xi, i cili është edhe kreu i Partisë Komuniste në pushtet dhe komandanti suprem i Ushtrisë Çlirimtare Popullore, ndoqën disa prezantime dhe komentoi përparimin ekonomik të Kinës gjatë dekadës së fundit. Vizita e ekspozitës ishte paraqitja e parë televizive e Xi që nga kthimi nga një samit rajonal në Uzbekistan fundjavën e kaluar.

Sipas rregulloreve të pandemisë së Kinës, ai duhet të qëndrojë në karantinë për një javë pas kthimit nga jashtë.