Qepa nuk po zvogëlohet, ndërsa dje në tregjet e gjelbra në Shkup 1 kilogram shitej për 100 denarë. Për të njëjtin çmim, mund të blini një kilogram luleshtrydhe të para të rritura në shtëpi. Këto të dhëna i konfirmon edhe portali informativ i Ministrisë së Bujqësisë, ku mund të lexoni se kjo perime është më e shtrenjta në Shkup dhe Gostivar. Shitësit thonë se qytetarët duhet të bëjnë durim sepse qepa e re po vjen dhe vetëm ajo mund ta “fundojë” çmimin e qepës së vjetër.

– E keni fjalën vetëm për qepët. Na kuptoi gjithë bota se qepa këtu kushton 100 denarë dhe harrojnë që blen një kilogram dhe gatuan me të një muaj të tërë. Flisni për mishin, rrymën, çmimet tjera - thotë e revoltuar një shitëse nga Tregu i Gjelbër në Shkup.

Ministri i Ekonomisë Kreshnik Bekteshi njoftoi se çmimet e disa llojeve të pemëve dhe perimeve do të ngrihen këtë fundjavë. Parametrat hyrës për pemët dhe perimet nga Ministria e Bujqësisë tashmë janë në Ministrinë e Ekonomisë dhe ende priten të dhënat nga Drejtoria doganore.

Kryetari i Bashkimit të Odave Ekonomike (SSK), Trajan Angeloski, arsyen e rritjes së tillë të çmimit të qepës e sheh në kërkesën e madhe në kurriz të ofertës.

- Kemi marrë një duzinë kërkesa nga kompani evropiane për të blerë qepë nga vendi. Padyshim që ka mungesë të këtij produkti në tregun evropian. Mendoj se kjo është arsyeja e çmimit të lartë. Nëse ka më shumë kërkesë se ofertë, çmimet gjithmonë rriten - tha së fundmi Angelovski.

Aktualisht, Holanda është prodhuesi më i madh i qepëve, por në dyqanet dhe tregjet tona mund të blini qepë edhe nga Egjipti.