Ministria e Punëve të Jashtme të Ukrainës dënoi zgjedhjet ruse në Krimenë e pushtuar, duke theksuar se ato shkelin ligjin ndërkombëtar.

“Edhe një herë theksojmë se rezultatet e “zgjedhjeve” në territorin e pushtuar përkohësisht të Republikës Autonome të Krimesë janë të pavlefshme dhe vetë “zgjedhjet” janë të paligjshme, thuhet në një deklaratë të ministrisë.

Ministria shtoi se ata që janë përfshirë në "përgatitjen dhe mbajtjen e 'zgjedhjeve' do të ndiqen penalisht në përputhje me legjislacionin aktual të Ukrainës", raporton Beta.

Nga 6 deri më 8 shtator, autoritetet ruse në rajonin e pushtuar mbajtën një votim për parlamentin e Krimesë të imponuar nga Rusia, legjislaturën komunale të qytetit port të Sevastopolit dhe anëtarët e këshillave lokale.

Rusia pushtoi Krimenë në vitin 2014.