Forcat ruse në Ukrainë po rekrutojnë të dënuar nga kolonitë penale në rajonet e pushtuara të Ukrainës për të ndihmuar në aktivitetet e tyre ushtarake, sipas një raporti ushtarak ukrainas.

“Për të kompensuar humbjet në fuqi punëtore, armiku po përpiqet të tërheqë gratë e dënuara për të marrë pjesë në luftë. Brenda një jave, pushtuesit rekrutuan rreth 50 gra nga kolonia penale e qytetit Snizhne, në zonën e pushtuar përkohësisht të rajonit Donetsk. Morëm informacione se ata janë dërguar për stërvitje në territorin e Federatës Ruse”, thuhet në raportin e ushtrisë ukrainase, raportuar nga “Sky News”.

Presidenti i Ukrainës Volodimir Zelenski deklaroi se situata në frontin në lindje të vendit po përkeqësohet dhe se Rusia "po hedh gjithnjë e më shumë trupa në luftë".

“Më është dashur shpesh të them se situata në front është e vështirë dhe se po bëhet më e vështirë. .. Ata investojnë gjithnjë e më shumë nga forcat e tyre për të thyer mbrojtjen tonë. Tani është shumë e vështirë në Bakhmut, Vuledar, Liman dhe rrugë të tjera”, tha Zelenski në fjalimin e tij.

Beteja të përgjakshme për tre qytete, Zelensky akuzoi Rusinë se "hedh gjithnjë e më shumë trupa në luftë"